മലയാളികളുടെ പ്രിയതാരമായ ദീലിപിന്ടെ സൂപ്പര്‍ ഹിറ്റ്‌ ചിത്രം " പാപ്പി അപ്പച്ചാ " മെല്‍ബണില്‍ പ്രദര്‍ശിപ്പിക്കുന്നു .
കൂടുതല്‍ വിവരങ്ങള്‍ക്ക്

യാത്രക്കാരന്റെ തല സെക്യൂരിറ്റി ഡോറില്‍ ഇടിച്ചതിനു രണ്ടു മില്യണ്‍ ഡോളര്‍ നഷ്ടപരിഹാരം നല്‍കാന്‍ സുപ്രീം കോടതി ഉത്തരവ് . സെക്യൂരിറ്റി ചെക്കിങിനിടയില്‍ റോളര്‍ ഡോര്‍ തലയില്‍ ഇടിച്ചു ശരീരം തളര്‍ന്നു പോയ ഹൂസൈന്‍ എന്ന കമ്പ്യൂട്ടര്‍ സെയിസ്മാനു ശേഷകാല ജീവിതത്തിനായി രണ്ടു മില്യണ്‍ ഡോളര്‍ നഷ്ടപരിഹാരം നല്‍കാന്‍ സുപ്രീം കോടതി എതിര്‍ കക്ഷികളായ ക്യാന്റാസ് എയര്‍വയസിനും സെക്യൂരിറ്റി കമ്പനിയായ SNP ക്കും ഉത്തരവ് നല്‍കി .2006 ജൂലൈയില്‍ സിഡ്നി എയര്‍പോര്‍ട്ടില്‍ വെച്ചായയിരിന്നു സംഭവം . ഇയാളുടെ നട്ടെല്ലിനു ക്ഷതമുണ്ടായുകയും , തുര്ടുന്നുള്ള ജീവിതം വീല്‍ ചെയറില്‍ ആകുകയും ചെയ്തു .

പെര്‍ത്ത് :പടിഞ്ഞാറന്‍ ഓസ്ട്രേലിയയില്‍ മയക്കുമരുന്ന് ആസക്തിയുള്ള നവജാത ശിശുക്കളുടെ എണ്ണം കൂടുന്നാതായി റിപ്പോര്‍ട്ട് .കിംഗ്‌ എഡേര്‍ഡ് മെമ്മോറിയല്‍ ഹോസ്പിറ്റലില്‍ ഈ കഴിഞ്ഞ അഞ്ചു മാസങ്ങള്‍ക്കുള്ളില്‍ 230 അമ്മമാരും അവരുടെ നവജാത ശിശുക്കളുമാണ് ഇതിനായി ചികിത്സ തേടിയിട്ടുള്ളത്. മയക്കുമരുന്നിനു ആസക്തിയുള്ള കുട്ടികള്‍ നേരിടുന്ന അവസ്ഥ അതിഭീകരമാണെന്നാണ് വിദഗ്ധര്‍ പറയുന്നത്. നിര്‍ത്താതെ ഉച്ചത്തില്‍ ഉള്ള കരച്ചിലും ശരീര താപനിലയില്‍ ഉള്ള വ്യതിയാനങ്ങളും ഒക്കെയായി മയക്കുമരുന്നിന്റെ ഒരു ഡോസ് കിട്ടുന്നത് വരെ നീളുന്നു പ്രശ്നങ്ങള്‍.ടീനെജു അമ്മമാരുടെ ഗര്‍ഭാവസ്ഥയില്‍ ഉള്ള മയക്കു മരുന്ന് ഉപയോഗവും,മദ്യപാനവും,പുകവലിയും ഒക്കെയാണ് ഇതിനു കാരണമായിരിക്കുന്നത്.എന്തായാലും യുവതികളെ ബോധവല്‍ക്കരണം നടത്തുന്ന തിരക്കിലാണ് ഗവണ്മെന്റും മറ്റു സന്നദ്ധ സംഘടനകളും.പ്രെഗ്നെന്‍സി യുവതികള്‍ക്ക്‌ ദുഃശീലങ്ങള്‍ മാറ്റുവാനുള്ള ഒരു അവസരമായി മാറണമെന്നാണു സന്നദ്ധസംഘടനകളുടെ അഭിപ്രായം .

ഹാമില്‍ട്ടണ്‍: ന്യൂസിലന്റിലെ കത്തോലിക്കാ സമൂഹത്തിന് ഏറെ പ്രിയങ്കരനായ ഫാ.ജോസഫ് അക്കരയുടെ നിത്യവ്രത വാഗ്ദാനത്തിന്റെ രജത ജൂബിലി ആഘോഷം ഹാമില്‍ട്ടണില്‍ നടത്തുന്നു. സി.എം.ഐ സഭാംഗമായ അച്ചന്‍ നിത്യവ്രതം സ്വീകരിച്ചിട്ട് കാല്‍നൂറ്റാണ്ട് പിന്നിടുകയാണ്. ഹാമില്‍ട്ടണ്‍ തിരുഹൃദയ കേരള കത്തോലിക്കാ പള്ളിയുടെ ആഭിമുഖ്യത്തിലാണ് ആഘോഷ പരിപാടികള്‍. ജൂണ്‍ ആറിന് ഹാമില്‍ട്ടണ്‍ ക്ലാര്‍ക്കിന്‍സ് റോഡ് സെന്റ്.ജോസഫ് പള്ളിയില്‍ നടക്കുന്ന കൃതജ്ഞതാ ബലിയിലും അനുമോദന യോഗത്തിലും ഹാമില്‍ട്ടണ്‍ ബിഷപ് ഡെന്നിസ് ബ്രൗണ്‍ മുഖ്യകാര്‍മികത്വം വഹിക്കും. വൈകുന്നേരം 4 മണിയോടെയാണ് ജൂബിലി ആഗോഷ പരിപാടികള്‍ക്ക് തുടക്കം കുറിക്കുക. ന്യൂസിലാന്റിലെ വിവിധ ഭാഗങ്ങളില്‍ നിന്നുമായി മലയാളി വൈദികരടക്കം നിരവധിപ്പേര്‍ ചടങ്ങില്‍ പങ്കെടുക്കും.4.30 ന് അക്കരയച്ചനും ബിഷപ് ഡെന്നീസിനും പള്ളിയങ്കണത്തില്‍ സ്വീകരണം നല്‍കും. താലപ്പൊലിയും മുത്തുക്കുടകളുമായി കേരളരീതിയിലാണ് സ്വീകരണം. കൃതജ്ഞാതാ ബലിക്ക് ശേഷം അനുമോദന സമ്മേളനം ബിഷപ് ഡെന്നീസ് ബ്രൗണ്‍ ഉദ്ഘാടനം ചെയ്യും. ജൂബിലി ആഘോഷ പരിപാടികളുടെ വിജയത്തിനായി പാരിഷ് കമ്മിറ്റിയെ സഹായിക്കാനായി പ്രോഗ്രാം കമ്മിറ്റി, റിസപ്ഷന്‍ ആന്റ് ഇന്‍വിറ്റേഷന്‍ കമ്മിറ്റി, ലിറ്റര്‍ജി, മ്യൂസിക്, പുഡ്, ഡെക്കറേഷന്‍സ്, വോളന്റിയര്‍ തുടങ്ങിയ സബ്കമ്മറ്റികള്‍ പ്രവര്‍ത്തനമാരംഭിച്ചു.പ്രകാശ് ജോസഫ്, സാജു കുര്യന്‍, മാത്യു പോള്‍, സിജു ജോര്‍ജ്, ജോസഫ് എം.ജെ, ബോബി ജോസഫ്, ബിനു ജെയിംസ് എന്നിവരാണ് വിവിധ കമ്മറ്റികളുടെ കോഓര്‍ഡിനേറ്റര്‍മാര്‍. ഹാമില്‍ട്ടണ്‍ സേക്രട്ട് ഹാര്‍ട്ട് പള്ളി വികാരിയായ അക്കരയച്ചന്‍ ഹാമില്‍ട്ടണ്‍ രൂപതിയില്‍പ്പെട്ട സെന്റ് ജോസപ്, സെന്റ് മാത്യൂസ്, സെന്റ് പീറ്റേഴ്‌സ് എന്നീ പള്ളികളിലും വികാരിയായി പ്രവര്‍ത്തിക്കുന്നുണ്ട്. ഇതിനു പുറമെ മലയാളികള്‍ക്കായി വെല്ലിംഗ്ടണ്‍, ഹോസ്റ്റിംഗ്‌സ്, റോട്ടറുവ, പാംസ്റ്റണ്‍ നോര്‍ത്ത് എന്നിവിടങ്ങളിലും കുര്‍ബാന അര്‍പ്പിക്കുന്നുണ്ട്.

സിഡ്നി : സമ്പദ് രംഗം മെച്ചപെടുന്നനുസരിച്ചു വേതന നിരക്കും വര്‍ധിക്കുന്നുതായി മെല്ബണിലെ ഒരു സ്ഥാപനം നടത്തിയ പഠനം വ്യക്തമാക്കുന്നു. കഴിഞ്ഞ ഒരു വര്‍ഷത്തിന്ടയില്‍ വേതന നിരക്കില്‍ 4.3% വര്‍ധനയുണ്ടായ്തായ് അവര്‍ പുറത്തു വിട്ട റിപ്പോര്‍ട്ടില്‍ പറയുന്നു . ഫെബ്രുവരിയില്‍ അവസാനിച്ച ത്രിമാസ കാലയളവില്‍ ഇതു 3.2 ശതമാനവും അതിനുമുന്‍പ്‌ 2.9 ശതമാനവും ആയിരിന്നു വേതന വര്‍ധനവ് .

ബോണസുകളും ഓവര്‍ ടൈം പേമെന്റ്കളും മാണ് വേതന നിരക്കില്‍ ഈ മാറ്റമുണ്ടാക്കിയത്. സര്‍വേയില്‍ പങ്കെടുത്ത 96% ആളുകളും തങ്ങള്‍ക്ക് ശമ്പളനിരക്കില്‍ വര്‍ധനവ് ഉണ്ടായ കാരൃം സമ്മതിച്ചു .റീട്ടേയില്‍ രംഗത്തുളളവര്‍ക്കും ക്ലെറിക്കല്‍ ജോലികള്‍ ചെയുന്നവര്‍ക്കുമാണ് ഏറ്റവും കുറവ് നിരക്ക് വര്‍ധന ഉണ്ടായിട്ടുള്ളത് . ഓസ്ട്രേലിയയിലെ മെച്ചപെടുന്ന സാമ്പത്തിക നിലയും കുറഞ്ഞു വരുന്ന അണ്‍എംപ്ലോയ്മെന്റ് നിരക്കുമാണ് ശമ്പളനിരക്കില്‍ വര്‍ധന ഉണ്ടാകാനുള്ള പൊതുവായ കാരണം .

പക്ഷെ രൂപയുമായുള്ള വിനിമയനിരക്കില്‍ ഓസ്ട്രലിയന്‍ ഡോളറിനു കഴിഞ്ഞ മൂന്ന് ആഴ്ചക്കുള്ളില്‍ നാലു രൂപയോളം കുറവുണ്ടായതു ഇന്ത്യക്കാര്‍ക്ക് തിരിച്ചടിയായി .