Showing posts with label വിദേശം. Show all posts
ഇന്ത്യയിലും മറ്റും കൂടുതല് ഹിംസയെന്ന് ഇസ്രായേല്
ജറൂസലം: ഇന്ത്യയിലും പാകിസ്താനിലും നടക്കുന്ന അക്രമ സംഭവങ്ങളില് കൊല്ലപ്പെടുന്നവരുടെ എണ്ണം കണക്കിലെടുക്കുമ്പോള് കപ്പല് ആക്രമണത്തില് മരണമടഞ്ഞവരുടെ എണ്ണം നിസ്സാരമാണെന്ന് ഇസ്രായേല്. ഇസ്രായേല് നടത്തിയ നരമേധത്തിനെതിരെ വിവിധ കോണുകളില്നിന്ന് വിമര്ശമുയര്ന്നതിനോട് പ്രതികരിക്കവേ ഇസ്രായേല് വിദേശകാര്യ മന്ത്രി അവിഗ്ദോര് ലിബര്മാനാണ് സംഭവത്തെ ലഘൂകരിച്ചുകൊണ്ട് പ്രസ്താവന നടത്തിയത്.'കഴിഞ്ഞ ഒരു മാസം മാത്രം തായ്ലന്ഡ്, അഫ്ഗാനിസ്താന്, പാകിസ്താന്, ഇറാഖ്, ഇന്ത്യ എന്നിവിടങ്ങളില് വ്യത്യസ്ത സംഭവങ്ങളിലായി 500ഓളം പേരാണ് കൊല്ലപ്പെട്ടത്. അപ്പോഴെല്ലാം അനങ്ങാതിരുന്ന ലോകരാഷ്ട്രങ്ങള് ഇപ്പോള് സ്വരക്ഷക്കായി ഇസ്രായേല് നടത്തിയ ആക്രമണത്തിനെതിരെ വിമര്ശവുമായി രംഗത്തിറങ്ങിയിരിക്കുകയാണ് '^ലിബര്മാന് യു.എന് സെക്രട്ടറി ബാന് കി മൂണിനെ ഓര്മിപ്പിച്ചു.കത്തി, ലോഹം കൊണ്ടുണ്ടാക്കിയ ആയുധങ്ങള് എന്നിവ ഉപയോഗിച്ച് കപ്പലിലുണ്ടായിരുന്നവര് തങ്ങളെ ആക്രമിച്ചപ്പോഴാണ് സ്വരക്ഷക്കായി തങ്ങള് വെടിവെച്ചെന്നാണ് ഇസ്രായേലിന്റെ വാദം. എന്നാല്, ഇത് വ്യാജമാണെന്ന് പറഞ്ഞുകൊണ്ട് നിരവധി ദൃക്സാക്ഷികളാണ് രംഗത്തെത്തിയത്. ഇതാദ്യമായാണ് ഇസ്രായേല് ഇന്ത്യയെ ഒരു വിവാദത്തിലേക്കു വലിച്ചിഴക്കുന്നത്. നേരത്തേ ഇസ്രായേലിന്റെ അതിക്രമത്തെ ഇന്ത്യ ശക്തമായി വിമര്ശിച്ചിരുന്നു. മേഖലയില് രക്തച്ചൊരിച്ചിലുണ്ടാക്കാനുദ്ദേശിച്ചുകൊണ്ട് മനഃപൂര്വം തങ്ങളുടെ പരമാധികാരത്തിനുനേരെ വെല്ലുവിളിയുയര്ത്താനുള്ള ശ്രമമാണ് നടന്നതെന്നും അതിനെ ചെറുക്കാന് മാത്രമേ ശ്രമിച്ചിട്ടുള്ളൂവെന്നുമാണ് ലിബര്മാന് ബാന് കി മൂണിനെ ധരിപ്പിച്ചതെന്നാണ് വിവരം.
Tags:
വിദേശം
വിലക്ക് മാറി, ബ്രിട്ടനില് ഇനി വിദേശഡോക്ടര്മാര്ക്ക് അവസരം
ലണ്ടന്: ഇന്ത്യക്കാരടക്കമുള്ള വിദേശഡോക്ടര്മാര്ക്ക്് ഏര്പ്പെടുത്തിയിരുന്ന വിലക്ക് മാറ്റാന് ബ്രിട്ടനിലെ നാഷണല് ഹെല്ത്ത് സര്വീസ് തീരുമാനിച്ചു. ബ്രിട്ടനില് ഡോക്ടര്മാരുടെ കുറവ് അനുഭവപ്പെട്ടതിനെ തുടര്ന്നാണിത്. യൂറോപ്യന് യൂണിയന് പുറത്തുള്ള രാജ്യങ്ങളിലെ ഡോക്ടര്മാര്ക്ക് 2006 ലാണ് ബ്രിട്ടണ് വിലക്കേര്പ്പെടുത്തിയത്. വിദഗ്ധ ഡോക്ടര്മാരെ ലഭിക്കാത്തതിനാല് ബ്രിട്ടനിലെ നിരവധി ആസ്പത്രികളിലെ എമര്ജന്സി വിഭാഗങ്ങള് അടച്ചുപൂട്ടിയത് വാര്ത്തയായിരുന്നു. 2006 ല് പുതിയ നിയമം വന്നതോടെ നിരവധി ഇന്ത്യന് ഡോക്ടര്മാര് സ്വദേശത്തേക്ക് മടങ്ങിയിരുന്നു. എന്നാല് രണ്ടുവര്ഷത്തില് കൂടുതല് വിദേശ ഡോക്ടര്മാര് സേവനം അനുഷ്ഠിക്കരുതെന്ന് ഇമിഗ്രേഷന് നിയമത്തില് നിബന്ധനയുള്ളത് ഡോക്ടര്മാര് താല്പര്യക്കുറവുണ്ടാക്കുമെന്ന് നാഷണല് ഹെല്ത്ത് സര്വീസ് അധികൃതര് തന്നെ അഭിപ്രായപ്പെടുന്നുണ്ട്.
Tags:
വിദേശം
ചൈനീസ് ബസുകള് സഖാക്കളെ കൈവിടുന്നു
ബെയ്ജിങ്: പുരോഗതിയിലേക്കുള്ള കുതിപ്പിനിടെ ചൈനീസ് തലസ്ഥാനമായ ബെയ്ജിങിലെ ബസ്സ് ഡ്രൈവര്മാരും കണ്ടക്ടര്മാരും സഖാക്കളെ പിന്നില് ഉപേക്ഷിച്ച് യാത്രയാവുകയാണ്. ഇനി മുതല് 'സഖാവ്' (കോമ്രേഡ്) എന്നതിന് പകരം യാത്രക്കാരെ സര് അല്ലെങ്കില് മാഡം എന്ന് അഭിസംബോധന ചെയ്യണമെന്നാണ് ഇവര്ക്ക് കിട്ടിയിരിക്കുന്ന നിര്ദ്ദേശമെന്ന് ചൈനീസ് മാധ്യമങ്ങള് റിപ്പോര്ട്ട് ചെയ്യുന്നു.
ഒരു കാലത്ത് ലക്ഷക്കണക്കിന് ചൈനക്കാര് ധരിച്ചിരുന്ന മാവോ സ്യൂട്ട് ഇപ്പോഴും കൈവിടാന് മടിയ്ക്കുന്നവര് മാത്രം പുതിയ നിയമത്തില് നിന്ന് ഒഴിവാക്കപ്പെട്ടിട്ടുണ്ട്. ഇവര് മേലിലും ബസ് യാത്രയ്ക്കിടയില് സഖാക്കന്മാര് തന്നെയായിരിക്കും. എന്നാലിവരെ എല്ഡര് കോമ്രേഡ്സ് എന്നായിരിക്കും ബസ് ജീവനക്കാര് അഭിസംബോധന ചെയ്യുക. യാത്രക്കാരെ എല്ഡര് മാസ്റ്റര്, എല്ഡര് സര് എന്ന് അഭിസംബോധന ചെയ്യണമെന്നും ജീവനക്കാര്ക്കുള്ള പരിശീലന മാര്ഗ്ഗരേഖയിലുണ്ട്. യുവാക്കളെ കഴിവതും പാസഞ്ചര് എന്നോ സ്റ്റുഡന്റ് എന്നോ അഭിസംബോധന ചെയ്യാന് ശ്രമിക്കണമെന്നും പറയുന്നു.
കോമ്രേഡ് എന്ന വാക്ക് സ്വവര്ഗാനുരാഗി എന്ന അര്ത്ഥത്തില് വിലയിരുത്തപ്പെടുമെന്ന സൂചനകളും നിര്ദ്ദേശത്തിലുള്ളതായി മാധ്യമങ്ങള് റിപ്പോര്ട്ട് ചെയ്യുന്നു. നിശ്ചിത മാനദണ്ഡം ഉറപ്പുവരുത്തേണ്ട ഒരു സേവനത്തില് കോമ്രേഡ് എന്ന അഭിസംബോധന ചേരില്ലെന്നാണ് ബെയ്ജിങ് ട്രാന്സ്പോര്ട്ട് കോര്പ്പറേഷനിലെ ഉദ്യോഗസ്ഥരെ ഉദ്ധരിച്ചുകൊണ്ടുള്ള റിപ്പോര്ട്ടില് പറയുന്നത്.പഴയ സോവിയറ്റ് യൂണിയനില് നിന്നാണ് ചൈനീസ് കമ്മ്യൂണിസ്റ്റുകള് സഖാവ് എന്ന പദം സ്വീകരിച്ചത്. 'സഖാവ്' വിളി സാമൂഹ്യ സമത്വത്തിലൂന്നിക്കൊണ്ടുള്ള സൗഹാര്ദ്ദപരമായ അഭിസംബോധനയായാണ് ഇത്രയും കാലം കണ്ടിരുന്നത്. അതേ സമയം കമ്മ്യൂണിസ്റ്റ് നേതാക്കന്മാര് ഇപ്പോഴും തങ്ങളുടെ പ്രസംഗത്തിലും എഴുത്തുകളിലും സഖാവ് പദം ഉപയോഗിക്കുന്നുണ്ട്.
ഒരു കാലത്ത് ലക്ഷക്കണക്കിന് ചൈനക്കാര് ധരിച്ചിരുന്ന മാവോ സ്യൂട്ട് ഇപ്പോഴും കൈവിടാന് മടിയ്ക്കുന്നവര് മാത്രം പുതിയ നിയമത്തില് നിന്ന് ഒഴിവാക്കപ്പെട്ടിട്ടുണ്ട്. ഇവര് മേലിലും ബസ് യാത്രയ്ക്കിടയില് സഖാക്കന്മാര് തന്നെയായിരിക്കും. എന്നാലിവരെ എല്ഡര് കോമ്രേഡ്സ് എന്നായിരിക്കും ബസ് ജീവനക്കാര് അഭിസംബോധന ചെയ്യുക. യാത്രക്കാരെ എല്ഡര് മാസ്റ്റര്, എല്ഡര് സര് എന്ന് അഭിസംബോധന ചെയ്യണമെന്നും ജീവനക്കാര്ക്കുള്ള പരിശീലന മാര്ഗ്ഗരേഖയിലുണ്ട്. യുവാക്കളെ കഴിവതും പാസഞ്ചര് എന്നോ സ്റ്റുഡന്റ് എന്നോ അഭിസംബോധന ചെയ്യാന് ശ്രമിക്കണമെന്നും പറയുന്നു.
കോമ്രേഡ് എന്ന വാക്ക് സ്വവര്ഗാനുരാഗി എന്ന അര്ത്ഥത്തില് വിലയിരുത്തപ്പെടുമെന്ന സൂചനകളും നിര്ദ്ദേശത്തിലുള്ളതായി മാധ്യമങ്ങള് റിപ്പോര്ട്ട് ചെയ്യുന്നു. നിശ്ചിത മാനദണ്ഡം ഉറപ്പുവരുത്തേണ്ട ഒരു സേവനത്തില് കോമ്രേഡ് എന്ന അഭിസംബോധന ചേരില്ലെന്നാണ് ബെയ്ജിങ് ട്രാന്സ്പോര്ട്ട് കോര്പ്പറേഷനിലെ ഉദ്യോഗസ്ഥരെ ഉദ്ധരിച്ചുകൊണ്ടുള്ള റിപ്പോര്ട്ടില് പറയുന്നത്.പഴയ സോവിയറ്റ് യൂണിയനില് നിന്നാണ് ചൈനീസ് കമ്മ്യൂണിസ്റ്റുകള് സഖാവ് എന്ന പദം സ്വീകരിച്ചത്. 'സഖാവ്' വിളി സാമൂഹ്യ സമത്വത്തിലൂന്നിക്കൊണ്ടുള്ള സൗഹാര്ദ്ദപരമായ അഭിസംബോധനയായാണ് ഇത്രയും കാലം കണ്ടിരുന്നത്. അതേ സമയം കമ്മ്യൂണിസ്റ്റ് നേതാക്കന്മാര് ഇപ്പോഴും തങ്ങളുടെ പ്രസംഗത്തിലും എഴുത്തുകളിലും സഖാവ് പദം ഉപയോഗിക്കുന്നുണ്ട്.
Tags:
വിദേശം
ജാക്സന് മക്കളുടെ പേരില് വന്തുക നിക്ഷേപിച്ചു
ലണ്ടന്: അന്തരിച്ച പോപ് സംഗീത രാജാവ് മൈക്കല് ജാക്സന് 330 ലക്ഷം ഡോളര് വീതം തന്റെ മൂന്നുമക്കള്ക്കായി കരുതിവച്ചെന്ന് റിപ്പോര്ട്ട്. ബ്രിട്ടീഷ് പത്രമായ 'ന്യൂസ് ഓഫ് ദ് വേള്ഡ്'ആണ് ഇക്കാര്യം റിപ്പോര്ട്ടു ചെയ്തത്. തന്റെ അവസാന വര്ഷങ്ങളില് കടുത്ത സാമ്പത്തിക ബുദ്ധിമുട്ടുകള് ജാക്സനെ അലട്ടിയിരുന്നതായി നേരത്തേ റിപ്പോര്ട്ടുകള് പുറത്തുവന്നിരുന്നു. അതിനിടെയാണ് മക്കളായ പ്രിന്സ്(13), പാരീസ്(12), ബ്ലാങ്കെറ്റ് (8) എന്നിവര്ക്കു പുറമെ അമ്മ കാതറിന് 990 ലക്ഷം ഡോളറും ജാക്സന് നീക്കിവച്ചത്. അതേസമയം, പിതാവിനും സഹോദരങ്ങള്ക്കും മുന്ഭാര്യമാര്ക്കും ജാക്സണ് ഒന്നും കരുതി വച്ചിട്ടില്ല. പിതാവിനും സഹോദരങ്ങള്ക്കും ഒന്നും നീക്കിവച്ചിട്ടില്ലെന്നത് അത്ഭുതപ്പെടുത്തുന്നുവെന്ന് ജാക്സന്റെ കുടുംബവുമായി അടുപ്പമുള്ള വൃത്തങ്ങള് അഭിപ്രായപ്പെട്ടു.
Tags:
വിദേശം
സണ്ണി ഡയമണ്ട്സിന്റെ എന്.ആര്.ഐ. ഫെസ്റ്റിന് തുടക്കമായി
കൊച്ചി: പ്രശസ്ത വജ്രവ്യാപാര സ്ഥാപനമായ സണ്ണി ഡയമണ്ട്സ് വിദേശ മലയാളികള്ക്കുവേണ്ടി ഒരുക്കുന്ന എന്.ആര്.ഐ. ഫെസ്റ്റിന് തുടക്കമായി. സപ്തംബര് 15 വരെയാണ് ഫെസ്റ്റ്.നാട്ടിലേയ്ക്ക് വരുന്ന വിദേശ മലയാളികളില് നിന്ന് തിരഞ്ഞെടുത്തവര്ക്ക് സൗജന്യ വിനോദയാത്ര സമ്മാനിക്കുകയാണ് ഫെസ്റ്റിന്റെ പ്രധാന ലക്ഷ്യം. ഈ വര്ഷം നാട്ടില് വരാത്തവര്ക്കും ഫെസ്റ്റില് പങ്കെടുക്കാം. സ്പതംബര് 16ന് നടക്കുന്ന ഗ്രാന്ഡ് റാഫിള് നറുക്കെടുപ്പില് ഒരു സൗജന്യ എയര് ടിക്കറ്റ് നേടാനുള്ള അവസരമുണ്ട്.സണ്ണി ഡയമണ്ട്സിന്റെ വെബ്സൈറ്റില് പേര് രജിസ്റ്റര് ചെയ്ത വിദേശ മലയാളികള്ക്ക് ഉത്സവകാലമായ മെയ് 15 മുതല് സ്പതംബര് 15 വരെ ഷോറൂമുകളില് പ്രത്യേക പരിഗണന ലഭിക്കും. എന്.ആര്.ഐ. ഫെസ്റ്റില് പേര് രജിസ്റ്റര് ചെയ്തതിന്റെ കൂപ്പര് കാണിച്ചാല് ആഭരണങ്ങള് വാങ്ങിയില്ലെങ്കിലും സര്പ്രൈസ് ഗിഫ്റ്റ് ലഭിക്കും. വജ്രാഭരണങ്ങള് വാങ്ങുന്നവര്ക്ക് വിലയില് കിഴിവും ലഭിക്കും. എവിടെ നിന്ന് വാങ്ങിയ വജ്രാഭരണങ്ങളുടെയും മൂല്യം പരിശോധിക്കാനും വില നിര്ണയിക്കാനുമുള്ള മാറ്റ് കൂട്ടാനുമുള്ള സൗകര്യം ഈ കാലയളവില് സണ്ണി ഡയമണ്ട്സിന്റെ ഷോറൂമുകളില് നിന്ന് സൗജന്യമായി ലഭ്യമാകും.
കൂടുതല് വിവരങ്ങള്ക്ക് : .sunnydiamonds.net
കൂടുതല് വിവരങ്ങള്ക്ക് : .sunnydiamonds.net
Tags:
വിദേശം
കമ്പ്യൂട്ടര് വൈറസ് ബാധ മനുഷ്യനും.....!
കമ്പ്യൂട്ടര് വൈറസിന് ഇരയാകുന്ന ആദ്യ മനുഷ്യന് എന്ന ബഹുമതി ബ്രിട്ടീഷ് ശാസ്ത്രജ്ഞന് ഡോ.മാര്ക്ക് ഗാസണിന് . സുരക്ഷാ കവാടങ്ങള് തുറക്കാന് അദ്ദേഹത്തിന്റെ കൈയ്ക്കുള്ളില് ഘടിപ്പിച്ച കമ്പ്യൂട്ടര് ചിപ്പാണ് വൈറസിന് ഇരയായത് . ഈ ചിപ്പ് ഉപയോഗിച്ചാണ് അദ്ദേഹം തന്റെ മൊബൈല് ഫോണും പ്രവര്ത്തിപ്പിച്ചിരുന്നത് . ഡോ.മാര്ക്ക് ഗാസണ് മനപൂര്വം തന്റെ കൈക്കുള്ളിലെ ചിപ്പിലേക്ക് വൈറസിനെ കടത്തിവിടുകയായിരുന്നു. ഇതോടെ വൈറസ് ലാബിലേക്ക് പടര്ന്നു. കെട്ടിടത്തിന്റെ സുരക്ഷാ പാളിച്ചകളും പുറത്തായി. കെട്ടിടത്തിനുള്ളില് കയറാന് അനുവാദമുളളവരുടെ കൈക്കുള്ളിലുള്ള ചിപ്പുകളിലേക്കും വൈറസ് ബാധിക്കും. സുരക്ഷാ പരിശോധനയുടെ ഭാഗമായാണ് വൈറസ് കടത്തിവിട്ടതെന്ന് ഡോ.മാര്ക്ക് ഗാസണ് അറിയിച്ചു.
Tags:
ഓസ്ട്രേലിയ
,
വിദേശം
മാര്ക്ക് കുറഞ്ഞു; അച്ഛന് മകനെ പ്രോഗ്രസ് കാര്ഡ് തീറ്റിച്ചു
പാരിസ്: മാര്ക്ക് കുറഞ്ഞതില് ക്ഷുഭിതനായ അച്ഛന് മകനെ സ്കൂളിലെ പ്രോഗ്രസ് റിപ്പോര്ട്ട് കാര്ഡ് തീറ്റിച്ചു. പടിഞ്ഞാറന് ഫ്രാന്സിലാണ് സംഭവം.മകന് കാര്ഡ് ചവച്ചരച്ച് കഴിക്കാന് വിസമ്മതിച്ചപ്പോള് അച്ഛന് കൈ കൊണ്ട് കടലാസുകള് വായില് കുത്തിത്തിരുകുകയായിരുന്നു. പിറ്റേദിവസം കുട്ടിയുടെ മുറിവേറ്റ ചുണ്ടും കണ്ണിന് ചുറ്റുമുള്ള കറുപ്പടയാളവും ശ്രദ്ധയില്പ്പെട്ട് സ്കൂളിലെ അധ്യാപകന് നല്കിയ പരാതിയെ തുടര്ന്ന് പോലീസ് അച്ഛനെ അറസ്റ്റ് ചെയ്തു. ക്ഷോഭം നിയന്ത്രിക്കാനാകാത്തതിനെ തുടര്ന്നുള്ള നടപടിയായിരുന്നു അതെന്നും സംഭവത്തിനുശേഷം മകനോട് ക്ഷമാപണം നടത്തിയെന്നും അച്ഛന് കോടതിയെ അറിയിച്ചു.ഇയാളെ പിന്നീട് കോടതി രണ്ടു മാസത്തെ തടവിന് ശിക്ഷിച്ചു. നഷ്ടപരിഹാരമായി മകന് ഒരു യൂറോ നല്കാനും കോടതി ഉത്തരവിട്ടു.
Tags:
വിദേശം
യൂ ട്യൂബ് നിരോധനം പാകിസ്താന് പിന്വലിച്ചു
യൂട്യൂബിന് പാകിസ്താന് സര്ക്കാര് ഏര്പ്പെടുത്തിയ നിരോധനം പിന്വലിച്ചു. പ്രവാചകന് മുഹമ്മദിന്റെ രൂപരേഖ പ്രത്യക്ഷപ്പെട്ടതിനെ തുടര്ന്നാണ് യൂട്യൂബ് പാക് സര്ക്കാര് നിരോധിച്ചത്. യൂട്യൂബിന് ഏര്പ്പെടുത്തിയ നിരോധനം എടുത്തു കളഞ്ഞെങ്കിലും മതനിന്ദക്ക് കാരണമാകുന്ന രൂപരേഖകള് തുടര്ന്നും നിരോധിക്കുമെന്നും ഇത്തരം പ്രവര്ത്തനങ്ങള് സര്ക്കാര് ഗൗരവമായി നിരീക്ഷിക്കുമെന്നും പാക് ഐ ടി മന്ത്രാലയം അറിയിച്ചു.മതനിന്ദ നടത്തിയതിന്റെ പേരില് ആറു ദിവസം മുമ്പാണ് പാക് ടെലികമ്മ്യൂണിക്കേഷന് അതോറിറ്റി യൂട്യൂബ് നിരോധിച്ചത്. വ്യാഴായ്ച വൈകീട്ടോടെ യൂട്യൂബ് വീണ്ടും ഉപയോക്താക്കള്ക്ക് മുന്നില് എത്തും. യൂട്യൂബില് മുസ്ലീംകള്ക്ക് എതിരായ വീഡിയോകള് തുടര്ന്നും നിരോധിക്കും. പ്രവാചകന് മുഹമ്മദിന്റെ രൂപരേഖ വരക്കാന് മല്സരം നടത്തിയതിന്റെ പേരില് ഫെയ്സ്ബുക്ക് നിരോധിക്കാന് ലാഹോര് ഹൈക്കോടതി നേരത്തെ ഉത്തരവിട്ടിരുന്നു. നിരോധനം മെയ് 31 വരെ നീളും. പ്രവാചകന്റെ രൂപരേഖ പ്രത്യക്ഷപ്പെട്ടതിനെ തുടര്ന്ന് രാജ്യമെങ്ങും പ്രതിഷേധ പ്രകടനങ്ങള് നടന്നിരുന്നു.
Tags:
വിദേശം
കമ്പനി ഉപദേഷ്ടാവായി ടോണി ബ്ലെയര്
ലണ്ടന്: ബ്രിട്ടീഷ് മുന് പ്രധാനമന്ത്രി ടോണി ബ്ലെയര് ഇന്ത്യന് വംശജനായ വിനോദ് ഖോസ്ലയുടെ അമേരിക്കന് ആസ്ഥാനമായുള്ള കമ്പനിയുടെ ഉപദേശകനായി. പാരിസ്ഥിതിക സൌഹാര്ദ സാങ്കേതിക വിദ്യയുടെ പ്രചാരകരായ കമ്പനിയാണ് ഖോസ്ല വെന്ച്യൂയേഴ്സ്. നിലവില് അമേരിക്ക ആസ്ഥാനമായുള്ള നിരവധി കമ്പനികളുടെ സാമ്പത്തിക ഉപദേഷ്ടാവാണ് ടോണി ബ്ലെയര്. വിനോദിനൊപ്പം പാരിസ്ഥിതിക സൌഹാര്ദ സാങ്കേതിക വിദ്യയുടെ ഭാഗമായി പ്രവര്ത്തിക്കുന്നതിന് തുറന്ന മനസ്സാണ് ഉള്ളതെന്ന് ടോണി ബ്ലെയര് പ്രസ്താവനയില് അറിയിച്ചു.
Tags:
വിദേശം
രണ്ടു വയസുകാരന് വലിച്ചു തള്ളുന്നത് 40 സിഗരറ്റുകള്!!!
ജക്കാര്ത്ത: രണ്ടു വയസു മാത്രം പ്രായമേ ആര്ദി റിസാലിനായുള്ളൂ. എന്നാല് അവന് ഒരു ദിവസം വലിച്ചു തള്ളുന്ന സിഗരറ്റുകളുടെ എണ്ണം എത്രയെന്നോ..? ഒന്നു രണ്ടുമൊന്നുമല്ല... 40 എണ്ണം...!!! ഇന്തോനേഷ്യയിലാണ് ഈ 'വലിക്കാരന്റെ വാസം. വെറും 18 മാസം പ്രായമുള്ളപ്പോളാണ് ഇവന് ആദ്യമായി പുകവലിച്ചത്. പിതാവ് തന്നെയാണ് അന്ന് ആര്ദിയെ സിഗരറ്റ് വലിപ്പിച്ചത്. ഇത് ഇത്ര വലിയ പുലിവാല് ആകുമെന്ന് അപ്പോഹ കരുതിയില്ല. ഇപ്പോള് മകനെ പുകവലിപ്പിക്കാന് പിതാവ് ചെലവഴിക്കുന്നത് പ്രതിദിനം 250 രൂപയില് അധികമാണ്. മകന്റെ ഈ പുകവലികാരണം അമ്മ ദിയാനെ ആകെ ഭയപ്പെട്ടിരിക്കുകയാണ്. സിഗരറ്റ് ലഭിച്ചില്ലെങ്കില് കുട്ടി വല്ലാത്ത വെപ്രാളമാണ് കാട്ടുന്നത്. തല ചുമരില് ഇടിച്ചും മറ്റുമാണ് ഇവന് അസ്വസ്തത പ്രകടമാക്കുന്നത്. അമ്മയ്ക്ക് ആശങ്കയുടെങ്കിലും പിതാവിന് ഒരു കമ്പനി ലഭിച്ച ആഹ്ളാദമാണ്. വലിക്കുന്നെങ്കില് അവന് വലിയ്ക്കെട്ടെ എന്നാണത്രേ മുഹമ്മദിന്റെ മനോഭാവം. ഒരു പ്രത്യേക ബ്രാന്ഡ് വലിക്കാനാണ് ആര്ദിക്കിഷ്ടം. അതിനിടെ ആര്ദിയുടെ പുകവലി മാറ്റാന് അധികൃതര് കിണഞ്ഞു പരിശ്രമിക്കുന്നുണ്ട്. കുട്ടി പുകവലി നിര്ത്തുകയാണെങ്കില് ഒരു കാറ് സമ്മാനം നല്കാമെന്നാണ് അധികൃതരുടെ വാഗ്ദാനം.
കടപാട് : മംഗളം
Tags:
വിദേശം
കൊറിയകള് സംഘര്ഷത്തിലേക്ക്
ഉത്തരകൊറിയയുടെ ആക്രമണത്തെ നേരിടാന് സൈനികരെ സജ്ജമാക്കാന് ദക്ഷിണകൊറിയയിലെ യു.എസ്. സൈനിക ഉദ്യോഗസ്ഥര്ക്ക് പ്രസിഡന്റ് ബരാക് ഒബാമ നിര്ദേശം നല്കി. ദക്ഷിണ കൊറിയയിലെ സൈനിക ഉദ്യോഗസ്ഥരുമായി പരമാവധി യോജിച്ച് പ്രവര്ത്തിക്കാനാണ് നിര്ദേശം. 28,000 യു.എസ്. സൈനികരാണ് നിലവില് ദക്ഷിണകൊറിയയിലുള്ളത്.ദക്ഷിണകൊറിയയുടെ പടക്കപ്പല് ഉത്തരകൊറിയ 'ടോര്പിഡോ' ആക്രമണത്തിലൂടെ മുക്കിയതാണെന്ന അന്താരാഷ്ട്ര അന്വേഷണ റിപ്പോര്ട്ട് പുറത്തുവന്നതോടെയാണ് ദശകങ്ങളായി ഇരുരാജ്യങ്ങള്ക്കുമിടയിലുള്ള സംഘര്ഷം മൂര്ച്ഛിച്ചത്.ഉപരോധമുള്പ്പെടെയുള്ള മാര്ഗങ്ങളിലൂടെ ഉത്തരകൊറിയയ്ക്ക് തക്ക ശിക്ഷ നല്കുമെന്ന് ദക്ഷിണ കൊറിയയും അത്തരം നീക്കമുണ്ടായാല് യുദ്ധം പ്രഖ്യാപിക്കുമെന്ന് ഉത്തരകൊറിയയും മുന്നറിയിപ്പ് നല്കിയിരുന്നു. ഇതിനു പിന്നാലെയാണ് ദക്ഷിണകൊറിയന് സേനയ്ക്ക് സഹായ വാഗ്ദാനവുമായി അമേരിക്ക രംഗത്തെത്തിയത്.കര, നാവിക, വ്യോമ അതിര്ത്തിയില് ആക്രമണമുണ്ടായാല് ശക്തമായി തിരിച്ചടിക്കുമെന്നാണ് ദക്ഷിണ കൊറിയന് പ്രസിഡന്റ് ലീ മ്യുങ് ബാക് തിങ്കളാഴ്ച മുന്നറിയിപ്പ് നല്കിയത്. വ്യാപാര-സാമ്പത്തിക ഇടപാടുകള് നിര്ത്തിവെക്കാനുള്ള ദക്ഷിണകൊറിയയുടെ തീരുമാനം ഉത്തരകൊറിയയെ കടുത്ത സമ്മര്ദത്തിലാക്കും. ഉത്തരകൊറിയയുടെ മൊത്തം ആഭ്യന്തര ഉല്പാദനത്തിന്റെ 13 ശതമാനത്തോളം സംഭാവന ചെയ്യുന്നത് ദക്ഷിണ കൊറിയയാണ്. 168 കോടി ഡോളറിന്റെ വ്യാപാരമാണ് 2009-ല് ഇരുകൊറിയകള്ക്കുമിടയില് ഉണ്ടായിട്ടുള്ളത്.
Tags:
വിദേശം
ഇറ്റലിയില് ആദ്യമായി സ്ത്രീക്ക് പുരോഹിത പദവി
റോം: ഇറ്റലിയില് ആദ്യമായി ക്രിസ്ത്യന് പള്ളിയിലെ പുരോഹിത കര്മങ്ങള് നിര്വഹിക്കാന് സ്ത്രീക്ക് അനുമതി. റോമിലെ ആംഗ്ലിക്കന് സഭയാണ് മരിയ വിറ്റോറിയ ലോങ്ഹിറ്റാണോ എന്ന 35 കാരിക്കാണ് പുരോഹിതയാകാന് അനുവാദം പ്രഖ്യാപിച്ചത്. വിവാഹിതയും അധ്യാപികയുമായ മരിയ 19ാം നൂറ്റാണ്ടില് റോമന് കത്തോലിക്കാ വിഭാഗത്തില് നിന്ന് വേര്പിരിഞ്ഞുപോയ ഓള്ഡ് കാത്തലിക് സഭാ വിശ്വാസിയാണ്. മറ്റുള്ള ക്രിസ്ത്യന് വിഭാഗം സ്ത്രീകള് പൗരോഹിത്യകര്മങ്ങള് നടത്തുന്നതിന് അനുമതി നല്കിയിട്ടുണ്ടെങ്കിലും വത്തിക്കാന് അനുവദിച്ചിരുന്നില്ല. ഇനിമുതല് മദര് ലോങ്ഹിതോ എന്നാണ് മരിയ അറിയപ്പെടുക. ക്രിസ്തുവിനുണ്ടായിരുന്ന 12 ശിഷ്യന്മാരും പുരുഷന്മാരായതിനാലാണ് കത്തോലിക്ക സഭ സ്ത്രീകള് പൗരോഹിത്യ കര്മങ്ങളില് ഏര്പ്പെടുന്നതിനെ വിലക്കുന്നത്.
Tags:
വിദേശം
മദ്യം ‘എട്ടാമത്തെ കൊലയാളി’ : ലോകാരോഗ്യ സംഘടന
ജനീവ: 193 രാജൃങ്ങളിലെ പ്രതിനിധികള് പങ്കെടുത്ത ലോകാരോഗ്യ അസംബ്ലിയില് ലോക സമൂഹത്തെ പ്രതികൂലമായി ബാധിക്കുന്ന മദ്യപാന ശീലത്തിന് എതിരെയായി പ്രമേയം പാസാക്കി . ഇതാദ്യമായാണ് അസംബ്ലി ഇത്തരത്തിലൊരു പ്രമേയം പാസാക്കുന്നത്.
ലോകത്തില് എട്ടാമത്തെ പ്രധാന മരണ കാരണം മദ്യപാനമാണെന്ന് ലോകാരോഗ്യ സംഘടന വ്യക്തമാക്കി. മദ്യപാനം മൂലം ലോകത്ത് ഒരു വര്ഷം 25 ലക്ഷം ആളുകളാണ് മരണത്തിന് കീഴ്പ്പെടുന്നതെന്നും സംഘടനയുടെ കണക്കുകളില് പറയുന്നു.മദ്യപാനം മൂലം മരിക്കുന്നവരില് 320,000 പേര് 15-29 വയസ്സ് പ്രായമുള്ളവരാണെന്ന വസ്തുതയാണ് കൂടുതല് ഞെട്ടലുളവാക്കുന്നത്. അതായതു ലോകത്തിലെ മരണ സംഖ്യയില് നാലു ശതമാനം ആളുകളുടെ മരണകാരണം മദ്യപാനമാണ്.
അപകടകരമായ രീതിയിലുള്ള മദ്യ ഉപഭോഗത്തെ ചെറുക്കാന് പത്തിന പരിപാടിയും ലോകാരോഗ്യ സംഘടന നിര്ദ്ദേശിച്ചു. സാമൂഹിക പ്രവര്ത്തനം, വ്യാജമദ്യത്തിനെതിരെയുള്ള നടപടികള്,റോഡ് നിയമങ്ങള് , ക്രമസമാധാനം തുടങ്ങിയ നിര്ദ്ദേശങ്ങള് നടപ്പിലാക്കാന് 193 അംഗരാജ്യങ്ങള്ക്ക് സംഘടന സഹായം നല്കും.
അപകടകരമായ രീതിയിലുള്ള മദ്യ ഉപഭോഗത്തെ ചെറുക്കാന് പത്തിന പരിപാടിയും ലോകാരോഗ്യ സംഘടന നിര്ദ്ദേശിച്ചു. സാമൂഹിക പ്രവര്ത്തനം, വ്യാജമദ്യത്തിനെതിരെയുള്ള നടപടികള്,റോഡ് നിയമങ്ങള് , ക്രമസമാധാനം തുടങ്ങിയ നിര്ദ്ദേശങ്ങള് നടപ്പിലാക്കാന് 193 അംഗരാജ്യങ്ങള്ക്ക് സംഘടന സഹായം നല്കും.
Tags:
വിദേശം
വിദേശത്ത് വന്തോതില് കൃഷിയുമായി ഇന്ത്യന് കമ്പനികള്
ആഫ്രിക്ക, തെക്കേ അമേരിക്ക, തെക്കുകിഴക്കന് ഏഷ്യ എന്നുവേണ്ട ലോകത്തിന്റെ പല ഭാഗത്തും ഇന്ത്യക്കാരും ഇന്ത്യന് ഉടമസ്ഥതയിലുള്ള കമ്പനികളും പാട്ടത്തിനെടുത്ത് കൃഷി ചെയ്യുന്നത് വ്യാപകമാകുകയാണ്. ഭക്ഷ്യധാന്യങ്ങള്, പയറുവര്ഗങ്ങള്, ഭക്ഷ്യ എണ്ണ തുടങ്ങിയവയാണ് കൃഷി ചെയ്യുന്നതില് കൂടുതലും. ഭക്ഷ്യസുരക്ഷാബില് നടപ്പാക്കുന്ന ഇന്ത്യയില് മറ്റുരാജ്യങ്ങളില് നിന്നുള്ള ഇത്തരം മേഖലകളേയും ഭക്ഷ്യധാന്യ ലഭ്യതയ്ക്കായി ഉപയോഗപ്പെടുത്താന് കൃഷി മന്ത്രാലയം ആലോചിക്കുന്നുമുണ്ട്. പല രാജ്യങ്ങളും ഇത്തരം കൃഷിരീതികള് പ്രോത്സാഹിപ്പിക്കാനായി ഭൂമി വിട്ടുനല്കാന് തയ്യാറുമാണ്. ഈജിപ്ത്, എത്യോപ്യ, സെനഗല്, സുഡാന്, ട്രിനിഡാഡ് ആന്റ് ടുബാഗോ, ടൂണിഷ്യ തുടങ്ങിയ രാജ്യങ്ങളിലാണ് ഇപ്പോള് കാര്ഷിക മേഖലകളില് ഇന്ത്യന് വംശജരും ഇന്ത്യന് കമ്പനികളും വിളവിറക്കുന്നത്. കിഴക്കന് ആഫ്രിക്കയില് മാത്രം എണ്പതോളം ഇന്ത്യന് കമ്പനികള്ക്ക് 11,300 കോടി രൂപയുടെ കാര്ഷിക നിക്ഷേപമുണ്ടെന്നാണ് (അതായത് കൃഷിയും കാര്ഷിക വിപണനവും) സര്ക്കാര് കണക്ക്. അറബ് രാജ്യങ്ങളിലെ വ്യാപാരികളും ഇവിടങ്ങളില് വന്തോതില് നിക്ഷേപമിറക്കുന്നുണ്ട്. കാര്ഷിക വളര്ച്ചയ്ക്ക് അനുസൃതമായ ഭക്ഷ്യധാന്യ വിതരണത്തിനായി കേന്ദ്രകൃഷിമന്ത്രാലയത്തിന് ഇതിനകം തന്നെ നിരവധി അപേക്ഷകള് ലഭിച്ചിട്ടുണ്ടെന്ന് 2009 ഡിസംബറിലെ കണക്കുകള് വ്യക്തമാക്കുന്നു. ഇത് മൂലം കാര്ഷിക വളര്ച്ച വിപുലപ്പെടുത്താനും അവരുടെ കയറ്റുമതി വര്ദ്ധിപ്പിക്കാനും കഴിയുമെന്ന് അതത് രാജ്യങ്ങള് കണക്കുകൂട്ടുന്നു. 2005 ഓടെ കാര്ഷികമേഖലയുടെ ഇത്തരം വാണിജ്യസാധ്യതയെ ഈ രാജ്യങ്ങള് തിരിച്ചറിഞ്ഞതോടെ കൃഷി ആവശ്യങ്ങള്ക്കായി കമ്പനികള്ക്കും സാമ്പത്തിക ശക്തികള്ക്കും ഭൂമി പാട്ടത്തിന് നല്കാന് തുടങ്ങി. ആഫ്രിക്കന് രാജ്യങ്ങളിലാണ് ഇന്ത്യക്കാര് കൂടുതലും കൃഷിയിറക്കുന്നത്.ഭക്ഷ്യ എണ്ണ കൃഷി ചെയ്യുന്നതിലാണ് തെക്കുകിഴക്കന് ഏഷ്യന് രാജ്യങ്ങളില് കൂടുതല് പ്രധാന്യം നല്കുന്നത്. ഈ മേഖലകളില് കൃഷി ചെയ്യുന്നവരെല്ലാം ഇന്ത്യന് കമ്പനികളോ ഇന്ത്യക്കാരോ ആണെന്നതിന് നിരവധി പേരുകള് ഉദാഹരണമായി പറയാന് കഴിയും. ഭൂമി വില കുറവുള്ളതാണ് ആഫ്രിക്കന് രാജ്യങ്ങളില് കൃഷി ആരംഭിക്കാന് കാരണമെന്ന് കാര്ഷിക വ്യാപാരത്തില് നിക്ഷേപം നടത്തുന്ന ദിലീപ് ചോക്സി പറയുന്നു.
അലൈഡ് കെമിക്കല്സ്, എ.വി.ആര് എഞ്ചിനീയറിങ്, ബി.പി. ജ്വല്ലറി, കങ്കാരിയ ഗ്രൂപ്പ്, കാരുട്ടുരി അഗ്രോ പ്രൊഡക്സ്, കൊമ്മൂരി അഗ്രോ ടെക്, കെ.എസ്.ആര്. എര്ത്ത് മൂവേഴ്സ്, നെല്വോ ഇന്റര്നാഷണല്, സൂര്യ ഇലക്ട്രിക്കല്സ് തുടങ്ങിയ നിരവധി കമ്പനികള് ഈ രംഗത്ത് സജീവമാണ്. അതായത് 80 ഓളം ഇന്ത്യന് കമ്പനികള്ക്ക് ആഫ്രിക്ക അടക്കമുള്ള രാജ്യങ്ങളില് വന്തോതില് കൃഷി ഭൂമിയുണ്ട്്. ഇതില് എത്യോപ്യ, കെനിയ, മഡഗാസ്കര്, മൊസാംബിക്, സെനഗല് തുടങ്ങിയ രാജ്യങ്ങള് കൂടി ഉള്പ്പെടുന്നു. 2010 ജനുവരി 5 ന് കൃഷി മന്ത്രാലയത്തിന്റെ അഡീഷണല് സെക്രട്ടറി വിദേശകാര്യ-വാണിജ്യ-കൃഷി വകുപ്പുകളുടെ സംയുക്തയോഗം നടത്തുകയും ചെയ്തു. കാര്ഷികമേഖലയില് പ്രവര്ത്തിക്കുന്നവരുടെ കണ്സോര്ഷ്യം (സി.ഐ.എഫ്.എ) അംഗങ്ങളും ഈ യോഗത്തില് പങ്കെടുത്തിരുന്നു. കാര്ഷിക സാധ്യകകളെക്കുറിച്ച് പഠിക്കാനായി ഇത്തരം രാജ്യങ്ങളില് സന്ദര്ശനം നടത്തണമെന്നും ആവശ്യമായ നയപരിപാടികള് സംബന്ധിച്ചും യോഗത്തില് നിര്ദേശങ്ങളും ആവശ്യങ്ങളുമുയര്ന്നു.
സര്ക്കാര് സംവിധാനങ്ങളുടെ എല്ലാ തരത്തിലുള്ള സഹായവും ഇവര് ആരാഞ്ഞു. പ്രത്യേകിച്ച് ആഫ്രിക്കയടക്കമുള്ള മേഖലകളില് സുരക്ഷാ പ്രശ്നങ്ങള് നേരിടുന്നതിനാലാണത്. തീവ്രവാദ-മയക്കുമരുന്ന് സംഘങ്ങളുടെ ശക്തികേന്ദ്രങ്ങളാണ് പല ആഫ്രിക്കന് മേഖലകളും. ഈ മേഖലയില് വന്തോതില് കൃഷി നടത്തുന്നവര്ക്ക് സുരക്ഷ ഏര്പ്പെടുത്തുന്ന കാര്യത്തില് രാജ്യാന്തര തലത്തില് ധാരണയുണ്ടാക്കണമെന്നും യോഗത്തില് കണ്സോര്ഷ്യം ആവശ്യപ്പെട്ടു. എന്നാല് ഈ വിഷയത്തില് ആഫ്രിക്കന് മാധ്യമങ്ങള് ചൂണ്ടിക്കാട്ടുന്ന ചില കാര്യങ്ങള് പ്രസക്തമാണ്. ദാരിദ്ര്യം അതിന്റെ പരമകോടിയില് നില്ക്കുന്ന ഏതോപ്യയില് 1.3 കോടി ജനങ്ങള് ഭക്ഷണം പോലും കിട്ടാതെ സന്നദ്ധസംഘടനകളുടെ ഭക്ഷണവിതരണം കൊണ്ട് ജീവിച്ചുപോകുന്നവരാണ്. അതേസമയം നല്ല വളക്കൂറുള്ള 30 ലക്ഷത്തോളം ഹെക്ടര് ഭൂമി മറ്റ് രാജ്യങ്ങള്ക്കും വന്കിട ബിസിനസ് ഗ്രൂപ്പുകള്ക്കും നല്കി രാജ്യത്തിന്റെ വരുമാനം വര്ദ്ധിപ്പിക്കുകയാണ് ഇവര് ചെയ്യുന്നത്. എത്യോപ്യയില് 420 കോടി രൂപയുടെ നിക്ഷേപമാണ് ഇന്ത്യന് കമ്പനികള്ക്കുള്ളതെന്ന് ഏതോപ്യന് റിവ്യൂ മാഗസിന് പറയുന്നു. സുഡാന്, കെനിയ, നൈജീരിയ, താന്സാനിയ, മലാവി, കോംഗോ, സാംബിയ, ഉഗാണ്ട, മഡഗാസ്കര്, സിംബാബ്വെ, മാലി, ഖാന തുടങ്ങിയ രാജ്യങ്ങളുടെ സ്ഥിതിയും ഇതുതന്നെയാണ്. 2007 മുതല് എത്യോപ്യ 815 വിദേശ ധനകാര്യ കാര്ഷിക ഗ്രൂപ്പുകള്ക്ക് ഇത്തരത്തില് കൃഷി നടത്താന് അനുമതി നല്കിയിട്ടുണ്ട്. മംഗോളിയന് സര്ക്കാര് പഞ്ചാബില് നിന്നുള്ള വന്കിട കൃഷിക്കാരെയാണ് കൂടുതലും ക്ഷണിച്ചത്. കാര്ഷിക ഉല്പ്പന്നങ്ങള് ഇവര് ചൈന, കൊറിയ, ജപ്പാന് അടക്കമുള്ള രാജ്യങ്ങളിലേക്ക് കയറ്റി അയക്കുകയും ചെയ്യുന്നു. ഇന്ത്യന് കാര്ഷിക-വിപണന ഗ്രൂപ്പുകളെയാണ് ഇവര് കൂടുതലായി സമീപിക്കുന്നത്. സുഡാനില് കൃഷിമന്ത്രി ഡോ. സാംസണ് ക്വാജെ പുതിയ നയം തന്നെ ഇതുമായി ബന്ധപ്പെട്ട്് പ്രഖ്യാപിച്ചിട്ടുണ്ട്. ചുരുങ്ങിയത് 60,000 ഏക്കര് ഭൂമിയെങ്കിലും ഈ മേഖലയില് വിദേശ ഗ്രൂപ്പുകള്ക്കായി പാട്ടത്തിന് നല്കുന്നതാണ് ഇവരുടെ നയം. നിരവധി ടാക്സ് ഇളവുകളും ഇതിനായി പ്രഖ്യാപിച്ചിട്ടുണ്ടെന്ന് സുഡാന് കൃഷിമന്ത്രി പറയുന്നു.ട്രിനിഡാഡ് ആന്റ്് ടുബാഗോ ഇന്ത്യന് വംശപാരമ്പര്യമുള്ള രാജ്യമാണ്. ഇവിടത്തെ മൊത്തം ജനസംഖ്യയുടെ ഏകദേശം 40 ശതമാനത്തോളം പേരുടെ പശ്ചാത്തലവും പാരമ്പര്യവും ഇന്ത്യയുമായി ബന്ധപ്പെട്ടിരിക്കുന്നു. കഴിഞ്ഞ നൂറ്റാണ്ടിന്റെ മധ്യം മുതല്ക്കേ ആരംഭിച്ച ഇന്ത്യന് കുടിയേറ്റത്തിന്റെ ഭാഗമായാണ് ഇങ്ങനെ സംഭവിച്ചത്. ഇവിടെ പഞ്ചസാര കൃഷിയാണ് വ്യാപകമായുള്ളത്. ചൈനയുമായി സംയുക്ത കാര്ഷികവൃത്തിയില് ഏര്പ്പെടാനുള്ള പുതിയ പദ്ധതിയ്ക്കും ഇവര് രൂപം നല്കിയിട്ടുണ്ട്. ആഭ്യന്തര കാര്ഷിക ഉല്പാദനം വര്ദ്ധിപ്പിക്കാനും കയറ്റുമതി മൂല്യം നേടാനുമുള്ള ഇവരുടെ ഈ ശ്രമങ്ങള് വിജയം കണ്ടുതുടങ്ങിയിരിക്കുന്നു. ഈജിപ്തും സൈനഗലുമെല്ലാം ഈ രീതിയില് മുന്നേറുകയാണ്. 20 മുതല് 50 വരെ വര്ഷത്തേക്ക് പാട്ടത്തിന് നല്കാനായി 20,000 ഹെക്ടര് ഭൂമിയാണ് സെനഗല് ഇതിനായി കണ്ടെത്തിയിരിക്കുന്നത്. 1960 മുതല് 2009 വരെയുള്ള കാലയളവില് എതോപ്യയിലുള്ള ഇന്ത്യന് നിക്ഷേപം 90.3 ലക്ഷം അമേരിക്കന് ഡോളറാണ്. ടുണീഷ്യ രണ്ട് തരത്തിലുള്ള കയറ്റുമതി രീതിയാണ് വാഗ്ദാനം ചെയ്യുന്നത്. പൂര്ണ്ണമായ കയറ്റുമതിയും ഭാഗിക കയറ്റുമതിയും. മൊത്തം ഉല്പാദനത്തിന്റെ 70 ശതമാനം കയറ്റുമതി ചെയ്യുകയും ബാക്കിയുള്ളവ ആഭ്യന്തര വിപണിയില് വിറ്റഴിക്കുകയും ചെയ്യുന്നതാണ് ഭാഗിക കയറ്റുമതി. 3000 ഹെക്ടര് ഭൂമി ഇത്തരത്തില് വാണിജ്യാടിസ്ഥാനത്തില് കൃഷി ചെയ്യുന്നതിനായി നീക്കിവെച്ചിരിക്കുന്നു.
വാണിജ്യാടിസ്ഥാനത്തിലുള്ള കൃഷിയ്ക്കായി അനുമതി ലഭിക്കുന്നവര്ക്ക് സര്ക്കാരുകള് വിവിധ നികുതി ഇളവുകളും നല്കും. അര്ജന്റീന, ഉറുഗ്വേ, പരാഗ്വേ തുടങ്ങിയ രാജ്യങ്ങളില് സോള്വെന്റ് എക്സ്ട്രാക്റ്റേഴ്സ് അസോസിയേഷന് (800 ഓളം ഭക്ഷ്യ എണ്ണ ഉല്പാദകരുടെ സംഘടന) അടക്കമുള്ള സംഘടനകളുടെ കീഴില് ഭക്ഷ്യ എണ്ണ ഉല്പാദനത്തിന്റെ തോത് വളരെയധികം വര്ധിച്ചിട്ടുണ്ട്. ഇത്തരം കാര്ഷിക മേഖലകളില് ചൈന നേടുന്ന വളര്ച്ചയാണ് ഈ മേഖലയില് കൂടുതല് സജീവമാകാനുള്ള കാരണമെന്ന് ഇവര് ചൂണ്ടിക്കാട്ടുന്നു. അര്ജന്റീനയില് 2,000 ഹെക്ടര് ഒലീവ് തോട്ടമുണ്ട് സ്റ്റെര്ലിങ് ഗ്രൂപ്പിന്. രാജശ്രീ ഷുഗേഴ്സ്, ഗോദാവരി ഷുഗേഴ്സ്, രേണുക ഷുഗേഴ്സ് എന്നീ കമ്പനികള്ക്ക് ബ്രസീലില് ഫാക്ടറികളുണ്ട്. ബജാജ് ഹിന്ദുസ്ഥാന് കമ്പനിക്കും ബ്രസീലില് വ്യവസായങ്ങളുണ്ട്. എന്.ആര്.ഐ. ഗ്രൂപ്പായ ഓം കമ്പനി 17,000 ഹെക്ടറില് നിലക്കടല കൃഷിയുണ്ട്. കെ.കെ.ആര്. ഗ്രൂപ്പ്, നീലഗിരി ഡയറി ഫാം എന്നീ ഇന്ത്യയിലെ പാല് ഉല്പാദക കമ്പനികള്ക്ക് ചൈനയില് 15 കോടി ഡോളറിന്റെ ഡയറി ഫാം വ്യാപാരമുണ്ട്. ബറോഡയില് നിന്നുള്ള വിഗോ ബയോടെക് എന്ന കമ്പനിയും ഈ മേഖലയില് സജീവമാണ്. ഭക്ഷ്യഎണ്ണ ഉല്പാദകരായ കെ. എസ്. ഓയില്സ് ഇന്തോനേഷ്യയിലെ കളിമന്താനില് 53,000 ഏക്കറിലാണ് കൃഷി നടത്തുന്നത്. ഈ കമ്പനിക്ക് പലയിടത്തായി മൊത്തം 1,38,000 ഏക്കര് കൃഷിഭൂമിയുണ്ട്. ഇവര് പാം ഓയില് രംഗത്തുമുണ്ട്. 380 കോടി രൂപയുടെ പദ്ധതിയാണ് കമ്പനി പുതിയതായി പ്രഖ്യാപിച്ചിരിക്കുന്നത്. കരുട്ടൂരി അഗ്രോ പ്രൊഡക്ടിന് 12,000 ഹെക്ടറിലാണ് കൃഷിയുള്ളത്. സ്റ്റീല് ഉല്പാദകരായ വരുണ് ഇന്റര്നാഷണല് മഡഗാസ്കറില് കാര്ഷിക ഉല്പാദന മേഖലയിലേക്ക് തിരിഞ്ഞിട്ടുണ്ട്. 2008 മുതല് ഭക്ഷ്യധാന്യങ്ങള് ഉല്പാദിപ്പിക്കുന്ന അരുണ് ഇന്റര്നാഷണലിന് 2,32,000 ഹെക്ടറിലാണ് ഇപ്പോള് കൃഷിയുള്ളത്. കൃഷിക്കാരുടെ കൂട്ടായ്മകള് സംഘടിപ്പിക്കാനും അവര്ക്കാവശ്യമായ നയങ്ങള് രൂപീകരിക്കാനും ഇത്തരം കമ്പനികള് തന്നെ മുന്നിട്ടിറങ്ങുന്നു. എതോപ്യയില് ഇന്ത്യന് കമ്പനികള്ക്ക് 400 കോടി ഡോളറിന്റെ കാര്ഷിക ഉല്പാദനവും വ്യാപാര പ്രവര്ത്തനങ്ങളുമുണ്ടെന്നാണ് എത്യോപ്യന് റിവ്യൂ മാഗസിന് പ്രസിദ്ധീകരിച്ച ലേഖനത്തില് വ്യക്തമാക്കുന്നത്. എത്യോപ്യക്കാരായ നൂറുകണക്കിന് തൊഴിലാളികളാണ് ഇവരുടെ തോട്ടങ്ങളിലും പാടങ്ങളിലും പണിയെടുക്കുന്നത്. മേല്നോട്ടം വഹിക്കാന് ഇന്ത്യക്കാരുമുണ്ട്. പ്രാദേശികമായ പല പ്രശ്നങ്ങളേയും അതിജീവിച്ചാണ് ഈ കാര്ഷിക'വിപ്ലവം' ഇവര് നടത്തിക്കൊണ്ടുപോകുന്നത്. ഇരുപത്തൊന്നാം നൂറ്റാണ്ടിലെ ഭൂസ്വത്തിന്റെ പരിധിയില്ലാത്ത കാര്ഷിക വളര്ച്ചയാണ് ഈ ദരിദ്ര രാജ്യങ്ങളിലൂടെ സാക്ഷാത്കരിക്കപ്പെടുന്നത്. ലണ്ടന് ഒബ്സര്വര് പത്രവും ഇത് സംബന്ധിച്ച റിപ്പോര്ട്ടുകള് പ്രസിദ്ധീകരിച്ചിട്ടുണ്ട്. എത്യോപ്യയില് മാത്രം ഇന്ത്യ 10 ലക്ഷം ഹെക്ടറും സൗദി അറേബ്യ ഒരു ലക്ഷം ഹെക്ടറും ഭൂമി പാട്ടത്തിനെടുത്തിട്ടുണ്ട്. ഈജിപ്തും ദക്ഷിണ കൊറിയയും നൈജീരിയയും അറബ് രാജ്യങ്ങളുമുള്പ്പെടെ പലരും ഈ മേഖലയില് സജീവമായിക്കഴിഞ്ഞു. 8070 ലക്ഷം ഹെക്ടര് ഭൂമിയാണ് ആഫ്രിക്കന് രാജ്യങ്ങളിലെ കാര്ഷിക-അനുയോജ്യമേഖല. ഇതില് തന്നെ 1970 ലക്ഷം ഹെക്ടറില് മാത്രമേ നിലവില് കൃഷിയുള്ളൂ. സ്വാഭാവികമായും ബാക്കിയുള്ള ഭൂമി കുറഞ്ഞ വിലയ്ക്ക് വാങ്ങാന് കമ്പനികള് തയ്യാര്. ഭക്ഷ്യക്ഷാമം മറികടക്കാന് ഇത്തരം കാര്ഷികോല്പാദനത്തിന് കഴിയുമെന്നാണ് ഈ രാജ്യങ്ങളുടെ പ്രതീക്ഷ.
Tags:
വിദേശം
എടിഎമ്മിന്റെ സൃഷ്ടാവ് അന്തരിച്ചു
ലണ്ടന്: ചോദിയ്ക്കുന്ന മുറയ്ക്കു കൃത്യമായി പണമെണ്ണി തരുന്ന എടിഎമ്മിന്റെ (ഓട്ടോമാറ്റിക് ടെല്ലര് മെഷീന്) ആശയം ലോകത്തിന് നല്കിയ ജോണ് ഷെപ്പേര്ഡ് ബാരണ് (84) അന്തരിച്ചു. വാര്ദ്ധക്യസഹജമായ അസുഖങ്ങളെ തുടര്ന്ന് സ്കോട്ലാന്ഡില് വച്ചായിരുന്നു അന്ത്യം.കാശിട്ടാല് ചോക്ലേറ്റ് ലഭിക്കുന്ന വെന്ഡിങ് മെഷിനുകളില് നിന്നാണ് എടിഎം എന്ന ആശയം ബാരണിന്റെ തലയില് ഉദിച്ചത്. ഒരു ദിവസം ബാങ്കില് വൈകിയെത്തിയതു കാരണം കാശെടുക്കാന് സാധിയ്ക്കാതെ വന്നപ്പോഴാണ് ബാരണ് ഇങ്ങനെയൊരു യന്ത്രത്തിന്റെ സാധ്യതകളെക്കുറിച്ച് ആലോചിച്ചത്സംഗതി ഉടന് തന്നെ യബാരണ് യാഥാര്ത്ഥ്യമാക്കുകയും ചെയ്തു. അങ്ങനെ ലണ്ടനിലെ ബാര്ക്ലേസ് എന്ഫീല്ഡ് ബാങ്കില് 1967, ജൂണ് 27ന് ലോകത്തിലെ ആദ്യ എ.ടി.എം പ്രവര്ത്തനം ആരംഭിച്ചു. ആദ്യകാല എടിഎമ്മുകളില് പ്ലാസ്റ്റിക് കാര്ഡുകള്ക്ക് പകരം കാര്ബണ് 14 എന്ന റേഡിയോ ആക്ടീവ് പദാര്ത്ഥം പൂശിയ ചെക്കുകളാണ് ഉപയോഗിച്ചിരുന്നത്. പിന്നീടാണ് പ്ലാസ്റ്റിക് കാര്ഡുകള് നിലവില് വ്ന്നത്. എ.ടി.എം കാര്ഡുപയോഗിക്കുമ്പോള് ആവശ്യമുള്ള പിന് നമ്പര് നാലക്കമാക്കി മാറ്റുന്നതിലും ബാരണിന് പങ്കുണ്ട്. അദ്ദേഹത്തിന്റെ ഭാര്യയായ കരോലിന് ആറക്ക മിലിറ്ററി നമ്പറില് നാലക്കം മാത്രമെ ഓര്മിച്ചെടുക്കാന് കഴിയുന്നുള്ളു എന്ന നിരീക്ഷണമാണ് നാലക്ക പിന് നമ്പര് എന്ന ആശയത്തിന് വഴി തെളിച്ചത്
Tags:
വിദേശം
2050 ആകുമ്പോഴേയ്ക്കും കടലില് മീന് ഉണ്ടാവില്ല
മീന് വിഭവങ്ങളില്ലാതെ, പ്രത്യേകിച്ചും കടല് മീന് ഇല്ലാതെ ഒരു ദിവസം കഴിയുകയെന്നത് പലര്ക്കും ഓര്ക്കാന് പറ്റാത്തകാര്യമാണ്. അപ്പോള് മീന്തന്നെ ഇല്ലാതാവും എന്നുകേള്ക്കുമ്പോള് ഇത്തരക്കാരുടെ അവസ്ഥയെന്താവും. എന്തായാലും ഈ യാഥാര്ത്ഥ്യത്തെ നമ്മള് അഭിമുഖീകരിക്കേണ്ടിവരുമെന്നാണ് ഐക്യരാഷ്ട്രസഭ പുറത്തിറക്കാന് പോകുന്ന ഒരു റിപ്പോര്ട്ടില് പറയുന്നത്. അടുത്ത 40 വര്ഷത്തിനുള്ളില് അതായത് 2050 ആകുമ്പോഴേയ്ക്കും കടലില് ഒരു മീന് പോലുമുണ്ടാകില്ലെന്നാണ് ഗ്രീന് ഇക്കണോമി എന്ന പേരില് പുറത്തിറക്കാന് പോകുന്ന റിപ്പോര്ട്ടില് പറയുന്നത്. 30ശതമാനത്തോളം മത്സ്യസമ്പത്ത് ഇതിനകം തന്നെ നശിപ്പിക്കപ്പെട്ടുകഴിഞ്ഞു.ഇനി 40വര്ഷത്തേയ്ക്കുള്ള മത്സ്യവിഭവം മാത്രമേ കടലില് ഉള്ളു എന്നാണ് കണക്കുകള്സൂചിപ്പിക്കുന്നത്. ഗ്രീന് ഇക്കണോമി പദ്ധതിയുടെ തലവന് പവന് സുഖ് ദേവ് ഒരു വാര്ത്താ ഏജന്സിയ്ക്ക് അനുവദിച്ച അഭിമുഖത്തിലാണ് ഇക്കാര്യം വെളിപ്പെടുത്തിയിരിക്കുന്നത്. ലോകജനസംഖ്യയുടെ എട്ടുശതമാനത്തോളം ഏതെങ്കിലും തരത്തില് മത്സ്യബന്ധനവുമായി ബന്ധപ്പെട്ടിരിക്കുന്നുവെന്ന് റിപ്പോര്ട്ടില് പറയുന്നുണ്ട്. ലോകത്ത് മൂന്നരക്കോടിയോളം ആളുകളാണ് മത്സ്യബന്ധനുവമായി ബന്ധപ്പെട്ട് ജീവിക്കുന്നത്. അതുകൊണ്ടുതന്നെ ഇക്കാര്യത്തില് മുന്കരുതലുകളെടുക്കുകയും മത്സ്യസമ്പത്ത് സംരക്ഷിക്കാന് ഭരണകൂടങ്ങള് തയ്യാറാവുകയും വേണമെന്ന് യുഎന് പറയുന്നു
Tags:
വിദേശം
ഇന്ത്യന് വിദ്യാര്ഥികളുടെ എണ്ണം ബോണ്ട് നിബന്ധനയിലൂടെ നിയന്ത്രിക്കാന് ആലോചന.
ബ്രിട്ടനിലേക്കുള്ള കുടിയേറ്റവ്യവസ്ഥകള് കര്ശനമാക്കുന്നതിന്റെ ഭാഗമായി ഇന്ത്യന് വിദ്യാര്ഥികളുടെ എണ്ണം ബോണ്ട് നിബന്ധനയിലൂടെ നിയന്ത്രിക്കാന് ആലോചന.ഇന്ത്യയടക്കം യൂറോപ്യന്യൂണിയനു പുറത്തുള്ള രാജ്യങ്ങളില്നിന്നു വിദ്യാര്ഥി വിസയില് എത്തുന്നവര്ക്ക് നിശ്ചിത തുകയ്ക്കുള്ള ബോണ്ട് ഏര്പ്പെടുത്താനാണ് ആലോചിക്കുന്നത്. പഠനം പൂര്ത്തിയാക്കി മടങ്ങുമ്പോള് ഈ തുക തിരികെ നല്കുമെന്നും പുതിയ കണ്സര്വേറ്റീവ്-ലിബറല് സഖ്യസര്ക്കാരില് ഇമിഗ്രേഷന് മന്ത്രിയായ ഡാമിയന് ഗ്രീന് പറഞ്ഞു.നിലവില് പോയിന്റുകള് അടിസ്ഥാനമാക്കിയുള്ള സ്റ്റുഡന്റ് വിസാ രീതിയുടെ മറവില് ബ്രിട്ടനിലേക്ക് കുടിയേറ്റക്കാര് ഒഴുകിയെത്തുന്ന സാഹചര്യത്തിലാണ് പുതിയ സര്ക്കാര് കര്ശന നിബന്ധനകള് ആലോചിക്കുന്നത്.അപേക്ഷകരുടെ എണ്ണം കുത്തനെ കൂടിയതോടെ ഉത്തരേന്ത്യയില്നിന്നും നേപ്പാള്, ബംഗ്ലാദേശ് എന്നിവിടങ്ങളില്നിന്നുമുള്ള വിദ്യാര്ഥികള്ക്കു വിസ നല്കുന്നതു നിര്ത്തിവച്ചിരിക്കുകയാണ്.യൂറോപ്യന് യൂണിയനു പുറത്തുനിന്നു വിദഗ്ധ പ്രൊഫഷണലുകളുടെ കുടിയേറ്റവും കര്ശനമായി നിയന്ത്രിക്കാനാണു പുതിയ സര്ക്കാരിന്റെ തീരുമാനം. പ്രൊഫഷണലുകള്ക്ക് ഓരോ വര്ഷവും നിശ്ചിത എണ്ണം വിസകള് മാത്രം അനുവദിച്ചാല് മതിയെന്നാണു പുതിയ സര്ക്കാരിന്റെ നയം
Tags:
വിദേശം
അമേരിക്കയെ കത്തിയ്ക്കുമെന്ന് താലിബാന്
അമേരിക്കയെ കത്തിയ്ക്കുമെന്ന് പാക് തീവ്രവാദസംഘടനയായ താലിബാന്. ടൈം സ്ക്വയറില് കാര് ബോംബ് സ്ഫോടനം നടത്താന് ശ്രമിച്ചതിന്റെ ഉത്തരവാദിത്തം ഏറ്റെടുത്തതിന് പിന്നാലെയാണ് താലിബാന് അമേരിക്കയെ ചുട്ടെരിയ്ക്കുമെന്ന് ഭീഷണിപ്പെടുത്തിയിരിക്കുന്നത്. ഏറ്റവും പുതിയതായി പുറത്തുവന്ന വീഡിയോ ടേപ്പിലാണ് അമേരിക്കയ്ക്കെതിരെയുള്ള താലിബാന് ഭീഷണി. അമേരിക്കയെ തരിപ്പണമാക്കുന്നതാണ് തങ്ങളുടെ അജണ്ടയെന്ന് ടേപ്പില് വ്യക്തമാക്കിയിട്ടുണ്ട്. സ്ഫോടനശ്രമം നടത്തിയത് തങ്ങളാണെന്ന് താലിബാന്റെ പ്രഖ്യാപനം ശരിയാണെങ്കില് ടൈംസ് സ്ക്വയര് സ്ഫോടനശ്രമം അമേരിക്കയ്ക്കെതിരായ ഇവരുടെ അജണ്ടയില് ആദ്യത്തേതായിരിയ്ക്കണം. എന്നാല് അല് ക്വയ്ദയുടെ സഹായത്തോടെയാണ് താലിബാന് സ്ഫോടനശ്രമം നടത്തിയതെന്നാണ് അമേരിക്കയിലെ സുരക്ഷാ വിഭാഗം വിലയിരുത്തുന്നത്. അമേരിക്ക ഒട്ടും പ്രതീക്ഷിയ്ക്കാത്ത തരത്തിലുള്ള ആക്രമണശ്രമമായിരുന്നു ടൈംസ് സ്ക്വയറില് നടന്നത്. ഇതിനിടെ അമേരിക്കയില് അടുത്ത ഭീകരാക്രമണത്തിന് പാകിസ്താനില് സന്നാഹമൊരുങ്ങുന്നതായി അമേരിക്കന് ചാരസംഘടനയായ സിഐഎയുടെ മുന് ഉദ്യോഗസ്ഥന്റെ വെളിപ്പെടുത്തിയിട്ടുണ്ട്. താലിബാനും അല്ഖ്വെയ്ദയും അടക്കമുള്ള തീവ്രവാദ സംഘടനകളും ഇസ്ലാമിക് ജിഹാദ് ഗ്രൂപ്പുകളും അമേരിക്കയെ പൊതുശത്രുവായാണ് കരുതുന്നതെന്ന് ഇതുസംബന്ധിച്ച റിപ്പോര്ട്ടില് പറയുന്നു. ഭീകരവിരുദ്ധ പോരാട്ടത്തില് പാകിസ്താനോട് നടപടിയെടുക്കാന് നിര്ബന്ധിക്കുകയും ആവശ്യമായ സഹായം ചെയ്യുകയുമാണ് ഇതിനുള്ള പോംവഴിയെന്നും ബ്രൂസ് റീഡെല് പറഞ്ഞു.
Tags:
വിദേശം
ഗലീലി കടലില് മീന് പിടുത്തം നിരോധിച്ചു .
യേശുവിന്റെ കാലത്ത് പത്രോസും മറ്റു ശിഷ്യന്മാരും മീന് പിടിച്ചിരുന്ന ഗലീലി കടലിലെ മീന് പിടുത്തം ഇസ്രയേല് ഗവണ്മെന്റ് നിരോധിച്ചു . ഗലീലിയിലെ ഈ ശുദ്ധ ജല സമുദ്രം നൂറ്റാണ്ടുകളായി അനേകം ജനതകള്ക്ക് ഉപജീവന മാര്ഗ്ഗമായിരിന്നു. പക്ഷെ കഴിഞ്ഞ പത്തു വര്ഷമായി നടന്ന അമിതമായ മീന് പിടുത്തം ഇവിടുത്ത മത്സ്യ സബത്ത് ഇല്ലാതാക്കിയിരിക്കുകയാണ് . ഏറ്റവും സുലഭമായി കിട്ടിയിരിന്ന സെന്്ട്.പീറ്റര് എന്നറിയപ്പെട്ടുരിന്ന മത്സ്യം ഇപ്പോള് കിട്ടാകനിയാരിക്കുകയാണ്. രണ്ടു വര്ഷത്തേക്കാണ് നിരോധനം .
fish ,food,St.peter
Tags:
വിദേശം
ലിബിയ വിമാന അപകടം: അത്ഭുത ബാലന്റെ നില മെച്ചപ്പെടുന്നു
ആംസ്റ്റര്ഡാം/ട്രിപ്പോളി: തകര്ന്നുവീണ ലിബിയന് വിമാനത്തില് നിന്ന് അത്ഭുതകരമായി രക്ഷപ്പെട്ട കുട്ടി സുഖം പ്രാപിച്ചു വരുന്നതായി അധികൃതര് അറിയിച്ചു. റൂബെന് എന്നു പേരുള്ള ഒമ്പതുവയസ്സുകാരനാണ് രക്ഷപ്പെട്ടതെന്ന് അധികൃതര് സ്ഥിരീകരിച്ചിട്ടുണ്ട്. നെതര്ലന്ഡ്സിലെ ടില് ബര്ഗില് നിന്നുള്ള കുട്ടിയെ ലിബിയയിലെത്തിയ ബന്ധുക്കള് തിരിച്ചറിഞ്ഞിട്ടുണ്ട്.ദക്ഷിണാഫ്രിക്കയില് വിനോദ സഞ്ചാരത്തിനു വന്ന ഡച്ചുസംഘത്തില്പ്പെട്ടതാണ് റൂബെന് വാന് അസോവും എന്ന കുട്ടിയെന്ന് ഡച്ച് മാധ്യമങ്ങള് റിപ്പോര്ട്ട് ചെയ്തു. അച്ഛന് പാട്രിക്കും (40) അമ്മ ട്രൂസി(41)യും സഹോദരന് എന്സോ (11)യും അപകടത്തില് മരിച്ചു. ഇരുകാലുകള്ക്കും ഒടിവുണ്ടെങ്കിലും റൂബെന് സാരമായ പരിക്കുകളൊന്നുമില്ല. ശസ്ത്രക്രിയകള്ക്കുശേഷം ബോധം വന്ന കുട്ടി സംസാരിക്കുന്നുണ്ട്. ട്രിപ്പോളിയിലെ ഡച്ച് കലാലയത്തില് നിന്നെത്തിയ നയതന്ത്രജ്ഞരോട് അവന് തന്നെയാണ് പേരും സ്ഥലവുമെല്ലാം വെളിപ്പെടുത്തിയത്. വ്യാഴാഴ്ച ലിബിയയിലെത്തിയ അമ്മാവനും അമ്മായിയുമാണ് കുട്ടിയെ തിരിച്ചറിഞ്ഞത്. ആരോഗ്യം മെച്ചപ്പെട്ടാലുടന് കുട്ടിയെ നാട്ടിലേക്കു കൊണ്ടുപോകുമെന്ന് അവര് പറഞ്ഞു.സഹയാത്രികരായിരുന്ന 103 പേര് മരിച്ചിട്ടും ഈ കുട്ടിമാത്രം രക്ഷപ്പെട്ടത് എങ്ങനെയെന്ന് വിശദീകരിക്കാന് അധികൃതര്ക്കു കഴിഞ്ഞിട്ടില്ല. തെളിഞ്ഞ കാലാവസ്ഥയില് നിലത്തിറങ്ങുന്നതിന് തൊട്ടു മുമ്പ് വിമാനം തകര്ന്നത് എങ്ങനെയെന്നുള്ളതും ദുരൂഹമായി തുടരുകയാണ്. ലിബിയന് അധികൃതരും വിമാന നിര്മാതാക്കളായ എയര്ബസ്സും അപകടത്തെപ്പറ്റി അന്വേഷണം തുടങ്ങിയിട്ടുണ്ട്.
travel
travel
Tags:
വിദേശം
