Showing posts with label ആരോഗൃം. Show all posts
ദേഷ്യം ആരോഗ്യത്തിന് നല്ലതെന്ന്
ലണ്ടന് : ദേഷ്യപ്പെടുന്നത് ആരോഗ്യത്തിന് നല്ലതല്ലെന്ന പൊതു ധാരണ തിരുത്തി ദേഷ്യം ആരോഗ്യത്തിന് ഗുണകരമാണെന്ന വാദവുമായി ഒരു കൂട്ടം ശാസ്ത്രജ്ഞര്. ദേഷ്യപ്പെടലിനെ സാമാന്യബുദ്ധിയ്ക്ക് നിരക്കാത്ത പ്രവൃത്തിയായാണ് എല്ലാവരും കണക്കാക്കുന്നത്. എന്നാല് ഈ പുതിയ വെളിപ്പെടുത്തലോടെ മുന്കോപികള് സന്തോഷത്തിലാണ്.മാനസിക സമ്മര്ദ്ദങ്ങളെ ശമിപ്പിക്കുന്നതിലൂടെ, നല്ല ചിന്തകള് മനസ്സില് നിറയ്ക്കുന്ന തലച്ചോറിന്റെ ഭാഗത്തേക്ക് രക്തയോട്ടം വര്ദ്ധിക്കുന്നുെവന്നാണ് കണ്ടെത്തല്. ഈ വെളിപ്പെടുത്തല് പോലെ തന്നെ വിചിത്രമാണ് ഗവേഷണവും. 30 പേരില് ദേഷ്യം പിടിപ്പിച്ചാണ് ഈ കണ്ടെത്തല് നടത്തിയത്.പരീക്ഷണത്തിനു ശേഷം 'ഇര' കളുടെ തലച്ചോര് പരിശോധിച്ചതിലൂടെ ഇവരുടെ ഇടത് ഭാഗത്തെ തലച്ചോര് ഉത്തേജിക്കപ്പെട്ടതായി കണ്ടെത്തി. മാത്രമല്ല, സമ്മര്ദ്ദങ്ങള് മനസ്സില് നിന്നു നീങ്ങിയതായും െതളിഞ്ഞു. തലച്ചോറിന്െ ഇടത്ഭാഗമാണ് നല്ല ചിന്തകളുടെ ഉത്ഭവകേന്ദ്രം. വലത് ഭാഗത്ത് അശുഭ ചിന്തകളും, പേടിയും, ദുഃഖവുമാണെന്നാണ് ശാസ്ത്രജ്ഞര് കണ്ടെത്തിയത്.വലന്ഷ്യ സര്വ്വകലാശാലയിലെ ന്യൂസ് ഹെറേറോയുടെ നേതൃത്തിലുള്ള ഗവേഷകരാണ് ഈ കണ്ടെത്തല് നടത്തിയത്.
ഓസ്ട്രേലിയയില് ദന്തഃചികിത്സയ്ക്ക് രണ്ടു വര്ഷത്തെ കാത്തിരിപ്പ്
പബ്ലിക് ഹെല്ത്ത് കെയറില് ഓസ്ട്രേലിയയില് ദന്തഃചികിത്സ ലഭിക്കണമെങ്കില് രണ്ടു വര്ഷത്തോളം കാത്തിരികേണ്ടിവരും. പലര്ക്കും സ്വകാര്യ ചികിത്സയുടെ ചെലവ് താങ്ങുവാന് പറ്റാത്തതു കൊണ്ടാണ് ഈ സാഹചര്യം ഉണ്ടായത്.അഞ്ചു ലക്ഷത്തിനു മുകളിലാണ് നിലവിലുള്ള കാത്തിരിപ്പുകാരുടെ എണ്ണം. സ്വകാര്യ ദന്താശുപത്രികളിലെ അമിത നിരക്ക് കാരണം വിദേശത്തു പോയി ചികിത്സ നേടുന്നവരുടെ എണ്ണവും അനുദിനം കൂടി വരുന്നു.ഇന്ത്യ ഉള്പ്പെടെയുള്ള രാജ്യങ്ങളെയാണ് പലരും ഇതിനായി ആശ്രയിക്കുന്നത്. കുറഞ്ഞ ചിലവും മെച്ചപ്പെട്ട ചികിത്സാ രീതിയും ആണ് ഇന്ത്യയിലേയ്ക്കു ആളുകളെ ആകര്ഷിക്കുന്നത്.മിക്ക ആരോഗ്യ സംഘടനകളും ഓസ്ട്രലിയന് ദന്ത ചികിത്സാ രംഗത്തെ കണക്കറ്റു വിമര്ശിചിരിക്കുകയാണ്.dental care
മൊബൈല് ഫോണിന്ടെ അമിത ഉപയോഗം ബ്രെയിന് ട്യുമെറിനു കാരണമാകുന്നു ..
മഞ്ഞള് വിശേഷങ്ങള്
മഞ്ഞളിന്റെ രോഗപ്രതിരോധ - രോഗനിവാരണ ശക്തികളെപ്പറ്റി ലോകപ്രസിദ്ധ മെഡിക്കല് ജേര്ണലായ `ഗുട്ട്' കവര്സ്റ്റോറി പ്രസിദ്ധീകരിച്ചു. ഇന്ത്യയില് പ്രാചീനകാലം മുതലേ പാചകത്തിനായി ഉപയോഗിച്ചുവരുന്ന മഞ്ഞളിനെ ഇന്ത്യക്കാര്പോലും വേണ്ടത്ര ശ്രദ്ധിച്ചിട്ടില്ലെന്ന് `ഗുട്ട്' കുറ്റപ്പെടുത്തുന്നുണ്ട്. പാചകത്തിലുപരി, പല മാറാരോഗങ്ങള്ക്കും സിദ്ധൗഷധമാണ് മഞ്ഞള്. മഞ്ഞളിനെപ്പറ്റി എട്ടുപേജ് വരുന്ന ലേഖനമാണ് ജേര്ണല് പ്രസിദ്ധീകരിച്ചിരിക്കുന്നത്. ഈ ലേഖനത്തോടെ ലോകമെമ്പാടും മഞ്ഞളിനെക്കുറിച്ച് കൂടുതല് അന്വേഷണങ്ങളും കണ്ടെത്തലുകളും നടക്കുമെന്നാണ് പ്രതീക്ഷ.ഇന്ത്യയില് പരമ്പരാഗത ചികിത്സാസമ്പ്രദായത്തില് മഞ്ഞള് ഉപയോഗിച്ചുവരുന്നുണ്ട്. ദഹനത്തിനും മുറിവ് ഉണക്കാനുമാണ് കൂടുതലായും മഞ്ഞളിനെ ഉപയോഗിച്ചിരുന്നത്. എന്നാല് ആസ്ട്രേലിയയിലെ ഒരു സംഘം മെഡിക്കല് വിദഗ്ധര് കണ്ടെത്തിയിരിക്കുന്നത് കരള് രോഗങ്ങള്ക്ക് കണ്കണ്ടഔഷധമാണ് മഞ്ഞള് എന്നാണ്. ലിവര് സിറോസിസ് തടയാനും മഞ്ഞളിന് കഴിയും. ലിവര്സെല് നശിക്കുന്നതും മഞ്ഞളിനു നേരെയാക്കാന് സാധിക്കും.ശരീരത്തിന്റെ രോഗപ്രതിരോധശക്തി കൂട്ടാന് മഞ്ഞള് ഉപയോഗിക്കാം. ആറുമാസം പ്രായമുള്ള കുട്ടികള്ക്കുപോലും മഞ്ഞള്കൊണ്ടുള്ള ഭക്ഷണം കൊടുക്കാവുന്നതാണ്. അല്ഷിമേഴ്സ് രോഗത്താല് നശിക്കുന്ന കോശങ്ങള്ക്ക് പുതുജീവന് നല്കാനും മഞ്ഞളിനു കഴിയും.വയറിനുണ്ടാകുന്ന അര്ബുദബാധയ്ക്കും മഞ്ഞള് ഔഷധമാണ്. അര്ത്രൈറ്റിസ്, വാതം എന്നിവയുടെയും മരുന്നാണ് മഞ്ഞള്. അമേരിക്കന് കോളജ് ഓഫ് റുമാറ്റോളജി മഞ്ഞളിനെപ്പറ്റി വാതവുമായി ബന്ധപ്പെട്ട കൂടുതല് പഠനങ്ങള് നടത്തിവരികയാണ്. ത്വക് കാന്സറിനും മഞ്ഞള് മരുന്നായി ഉപയോഗിക്കാം. ഇതുസംബന്ധിച്ച പരീക്ഷണങ്ങളെല്ലാം വിജയമായിരുന്നു.കറികളില് കലര്ത്തിയും കുട്ടികള്ക്കുള്ള പാലില് കലര്ത്തിയും മഞ്ഞള് സ്ഥിരമായി ഉപയോഗിക്കണമെന്നാണ് ഡോക്ടര്മാര് പറയുന്നത്. ചപ്പാത്തിക്കുള്ള മാവിലും ചോറിലും മഞ്ഞള് പൊടിച്ച് കലര്ത്താം. സൂപ്പുകളില് മഞ്ഞള് കലര്ത്തിക്കഴിക്കുന്നത് വയറിളക്കത്തിനും നല്ലതാണത്രേ.
പതുക്കെ കഴിക്കൂ, വണ്ണം കുറയ്ക്കാം
ഭക്ഷണം സാവധാനം ചവച്ചരച്ചു കഴിച്ചാല് 'പൊണ്ണത്തടി' ഒഴിവാക്കാമെന്ന് ഒരുസംഘം അമേരിക്കന് ഗവേഷകര് അഭിപ്രായപ്പെടുന്നു. ഭക്ഷണം നന്നായി ചവച്ചരച്ചു കഴിച്ചാല് ദഹനം എളുപ്പമാകും എന്ന ആരോഗ്യപാഠം പണ്ടേ പ്രചരിച്ചതെങ്കിലും, ഇതിനെ ശരീരഭാരവുമായി ബന്ധപ്പെടുത്തി പഠിച്ചത് കിങ്സ്റ്റണിലെ റോഡ് ഐലന്ഡ് സര്വകലാശാലയിലെ ഗവേഷകരാണ്. നന്നായി ചവച്ചരച്ച് ഭക്ഷണം കഴിക്കുന്നവരില് അമിതാഹാരം കഴിക്കാനുള്ള പ്രവണത ആഹാരം 'വെട്ടിവിഴുങ്ങു'ന്നവരെ അപേക്ഷിച്ചു കുറവാണെന്ന് അമേരിക്കന് ജേര്ണല് ഓഫ് ക്ലിനിക്കല് ന്യൂട്രീഷ്യന്റെ ജൂലായ് ലക്കത്തില് പ്രസിദ്ധീകരിച്ച റിപ്പോര്ട്ടില് പറയുന്നു. സാവധാനം ഭക്ഷണം കഴിക്കുമ്പോള് 'വയറു നിറഞ്ഞു' എന്ന സിഗ്നനല് നല്കാന് ശരീരത്തിന് മതിയായ സമയം ലഭിക്കുന്നു. എന്നാല് ധൃതിയില് ഭക്ഷണം വെട്ടിവിഴുങ്ങുമ്പോള് സിഗ്നനല് വൈകുകയും ഭക്ഷണം അമിതമാവുകയും ചെയ്യും. ഇതാണ് 'പൊണ്ണത്തടി'യായി മാറുന്നത്- ഗവേഷകസംഘത്തിന് നേതൃത്വം നല്കിയ അന എം. ആന്ഡേഴ്സ് പറയുന്നു. മുപ്പതു യുവതികളിലാണ് ഗവേഷണം നടത്തിയത്. ആദ്യദിവസം എല്ലാവരോടും പെട്ടെന്ന് ഭക്ഷണം കഴിച്ചുതീര്ക്കാനാണ് ഗവേഷകര് ആവശ്യപ്പെട്ടത്. രണ്ടാം ദിവസം സാവകാശം ചവച്ചരച്ചു കഴിക്കാനും. ചവച്ചരച്ചു ഭക്ഷണം കഴിച്ചപ്പോള് കുറഞ്ഞ അളവിലുള്ള ഭക്ഷണം മാത്രമേ ശരീരത്തിനാവശ്യമായി വന്നുള്ളൂ. ഇതില്നിന്നാണ് ഗവേഷകസംഘം നിഗമനത്തില് എത്തിയത്. ഈ നിഗമനം പുരുഷന്മാര്ക്ക് ബാധകമാണോയെന്നറിയാന് ഇനിയും പഠനങ്ങള് വേണ്ടിവരും.
